Á hraðri leið til helv....?

Nei það er ekki ég sem er á hraðferð "niður", heldur bankakerfi Íslendinga.  Mann fer orðið með faðirvorið sitt í hvert skipti sem kveikt er á fréttum eða flettir blaði, það þarf stærri heila en minn til að botna í þessu öllu saman.

Upflettiritið mamma hefur verið í beinu símasambandi við soninn síðasta klukkutímann, ástæðan er eldamennska hjá honum.  Þetta var ekki hans uppáhaldsiðja meðan ég bar ábyrgð á honum en nú þarf kall oft að elda og þá er stundum hringt í mömmu.

Það er komin dagsetning á "grasið" hjá mér ... mæting á heilsustofnun 14 okt. Úps þetta eru bara tólf dagar og ég sem þarf að gera svo ótalmargt áður en ég fer .......

Athugasemdir

[Halla Guðm. (IP-tala skráð) 2.10.2008 kl. 19:26]

Oh, hvað það verður næs hjá þér í Heilsó, njóta þess að taka þig í gegn og gleyma öllum fréttum og bankabulli :)  mig langar alltaf að fara þangað aftur og ef bakið vogar sér að gera mér lífið leiðara en það gerir dags daglega þá panta ég mér eitt stykki pláss og læt mig lagast, þetta er með betri stöðum á landinu :)  hafðu það eins gott og þú getur Halla mín,  Halla þín :)