Léleg bráðavakt.......

Ég ætlaði að horfa á E.R. mér til skemmtunar í kvöld, ekki þessar andsk..... eldhússdagsumræður á Alþingi.  Öll dagskrá  til hliðar vegna þessa rifrildis til klukkan tíu í kvöld. Nafna mín sofnuð og Kristján Atli að horfa á kvöldmynd og dreifa poppi um rúmið sitt...... sem hann lánar mér á meðan ég er hérna.  Húsbændur eru á skúrakvöldi, hvað sem svo það þýðir.

Ég er búin að eiga skemmtilega daga hér með ungunum mínum, var í Keflavíkinni í morgun, þar er lasinn Birnir, með lungnabólgu eina ferðina enn og tilheyrandi flautuhljóð við öndun, þau enduðu með hann inni á barnaspítala í gærkvöldi en fóru svo heim með hann aftur þegar búið var að skoða snáðann og koma honum á viðeigandi lyf. Enda voru þeir frekar lufsulegir feðgar ....  rétt að koma á fætur þegar amman kom í dyrnar.

Svo er það heim í heiðardalinn í fyrramálið, mér skildist í gær að mamma væri búin að vera alveg nógu lengi í burtu

Athugasemdir

[Ragnheiður , 4.2.2009 kl. 21:44]

Já þetta er léleg bráðavakt, engum bjargað og ekkert blóð.

Kær kveðja Halla mín

[Vala (IP-tala skráð) 5.2.2009 kl. 09:00]

mikið rétt þetta er að verða alveg ágætis frí.

svo langt að það er komið að pabba að elda í hádeginu og okkur Lenu langar ekki í egg og slátur.   :)))))))))))))))))))

[Sigrún (IP-tala skráð) 6.2.2009 kl. 21:26]

Æ, litla sys, það er svooo gott að vita af þér heima - nota mér það um helgina

[sigríður helga (IP-tala skráð) 11.2.2009 kl. 20:22]

ég held að ég fari rétt með spakmæli gott sem ég sá um daginn en það er svona ; ekki láta hluti fara í taugarnar á þér sem skifta ekki máli, geymdu kraftanna í annað ;) .. en ég skil þig samt