Hvað gengur nú á......

Það er hvítt úr lofti og dimmt í kring, skafrenningur á Holtavörðuheiði og hér í vesturátt er ekki hlýlegt um að litast, áreiðanlega hvasst og kalt á þeim sem fóru vestur á Patró til að fylgja Bjössa kjöt til grafar.  Var svona veðurskot á þessum tíma ekki kölluð hrafnagusa hér áður fyrr ?

Halla Katrín ræsti í morgun klukkan hálfsjö, spræk og hress, skreið uppí til okkar afa með kubba þannig að nú er það flashback í nótt .... vakna með legokubba fasta á baki eður rassi um miðja nótt.  Þar sem hún vaknaði svona snemma var hún nátturlega snemma þreytt og tókst að sofna tvisvar smávegis áður en hún fékkst til að taka miðdagslúr. Bræður hennar voru í sveitinni í nótt.

Svo er það fjölskylduveislan í kvöld, Jökull og Oddný eru á leið norður og þá eru þau öll mætt á svæðið, matur og drykkur, spjall og hlátur eins lengi og hver endist í kvöld og nótt, fyrst á Árbakkanum og síðan hér heima....... 

Athugasemdir

[Rannveig Lena Gísladóttir, 26.4.2008 kl. 16:06]

Hlakka til kvöldsins... en hvað er þetta... bara búið að henda manni út sem bloggvini   

[., 26.4.2008 kl. 16:32]

Þú ert ekki tvöföld lengur í listanum mínum .... enda minnkað heil býsn, velkomin í kvöld og alla aðra daga ... og ert enn á bloggvinalistanum hennar mömmu, bara ekki tvisvar.