Versnandi minni......

Og hækkandi aldur ...... ætli það sé ekki ástæðan fyrir því að ég gleymdi að láta Majuna mína vita í morgun að ég kæmi ekki í sjúkraþjálfun ... sökum annríkis við að snýta mér.  Mundi eftir þessu svo seint í gærkvöldi að ég vildi ekki hringja ... of vel alin upp til að ónáða fólk eftir klukkan tíu á kvöldin, nema brýna nauðsyn beri til.  En var svo búin að gleyma þessu í morgun.

En ég mundi eftir að tilkynna manni mínum hvaða dagur væri á morgun ... svona ef hann skyldi hafa gleymt því.

  Núna er hann komin á bakvakt á Efrimýrum næstu tíu dagana, húsráðendur og dóttirin litla eru farin í síðbúið sumarfrí til Austurríkis, ætla að heimsækja þar hryssu sem þau áttu einu sinni og núverandi eigendur hennar.  Vinnumaðurinn sér um daglega umhirðu í púddukofanum en Gísli um verðmerkingu og vöktunina.  Við erum búin að leggja Núpnum okkar í hlöðuna í Saurbæ, nýbónuðum og fínum og strax farin að hlakka til að sækja hann í vor og leggjast út á Laxárdalnum......

Árný kom hér áðan með kökur í báðum höndum frá elskunni henni Jennu, vinkonu sinni.  Einhverntíman hafði ég sent stelpunum hennar dúkkuföt og nú vildi hún launa mér, hjartans þakkir Jenna mín, ég veit af fyrri reynslu að kökurnar þína eru hreint sælgæti.

Morgundagurinn verður bara gleði og gaman ... þrátt fyrir hækkandi aldur.

Athugasemdir

[ebj (IP-tala skráð) 30.9.2009 kl. 08:19]

Til hamingju með afmælið þitt Halla mín :)

kv. ebj

[Anna Lilja (IP-tala skráð) 2.10.2009 kl. 05:51]

Til hamingju með afmælið, aldur segir bara til um hvernig þér líður en ekki hversu gömul þú ert.  Mér finnst að sjúkraþjálfarinn gæti sinnt heimaþjónustu svona í tilefni dagsins.

Bestu kveðjur og eigðu góðan og gleðilegan dag

Anna Lilja

[., 2.10.2009 kl. 09:46]

Hún gerði það, kom með Guðjón Frey í kaffi og kökur......