.

6.10.2007 | 12:15

Er vöknuð.........

Meir að segja fyrir þó nokkru síðan. Þegar ég fór að hreyfa mig til að komast fram úr heyrðist undan hinni sænginni.... veistu að það er alhvítt úti. Það var ekki laust við að færi um mig hrollur við þessar fréttir, snjór er ekki mitt uppáhald. Nema sé komið vel fram á vetur og sé mikið af honum og ....... snjósleðinn og ég séum í fínu lagi. Núna erum við líklega bæði í hálfgerðum lamasessi, sleðinn og ég og þessi snjór er bæði lítill og blautur, hoj bara.........

Þetta verður eiginlega framhaldssaga hjá mér, á erfitt með að sitja lengi í einu við tölvuna, svo að ég er að fara í ýmsa hluti á milli þess sem ég pikka. Morgunstundin fram að hádegi fór í tiltekt úti í skúr, það er loksins að koma einhver mynd á umhverfið þar. Svanhildur var hér í nótt, það var konupartý í pottinum hjá mömmu hennar í gærkvöldi, Sassan of ung og ég of gömul til að taka þátt svo afi sat uppi með báðar, kelluna og dótturdótturina og fannst bara fínt. Hann fór svo upp í Mýra þegar hann var sæmilega vaknaður en við Sassan í skúrinn. Núna í hádeginu er hún komin heim til að horfa á fótbolta, en ætlar að koma aftur seinnipartinn, hafði pata af grjónagraut í kvöldmatinn. Bað að vísu um að sleppa við slátur með honum, finnst það ekki gott. Árný hinsvegar bað um slátur, restin sem er í pottinum fer í súr ...... nammi nammi nammi namm.

Flokkur: Bloggar | Facebook

Athugasemdir

Eins gott að ormarnir mínir kunna ekki að lesa bloggið hjá ömmu... þau væru vís með að vilja mæta í bæði graut og slátur! En þau fá nú gott samt.... kjötsúpu með öllu :)

Rannveig Lena Gísladóttir, 6.10.2007 kl. 13:22

ummm islendstslatur namm .gaman ad fylgast med ter .tu krossar kanski yfir leidin hja mommu og pabba næst tegar tu heimsækir mommu.her er bara allt gott ad fretta midar vid adstædur,kvedja elinborg

elinborg (IP-tala skráð) 6.10.2007 kl. 18:26