Liðin helgin......

Og Annan mín er orðin 35 ára ....... til hamingju með daginn, Anna mín.  Ég eyddi helginni með kalli  mínum og tveim barnabörnum í sumarbústað hérna í Ölfusborgum og fannst það notalegt ef frá er talinn mikill hávaði og söngur úr næsta húsi seinni nóttina.  Höllu Kötu fannst þetta líka fúlt og vaknaði svo illa að á endanum færði afinn sig í hennar koju og sú stutta fyrir ofan ömmu sína.  Þegar ég var svo skilin eftir hér í gær, mótmælti hún hástöfum og heimtaði að amma kæmi með, afinn sagði að mótmælin hefðu verið í háværasta lagi og staðið langleiðina upp Kambana.

Nú er farið að síga á seinnipartinn af dvölinni hér, var að færa mig um herbergi í dag og er bara sátt með.  Sáttust þó að hafa heyrt í stóru sys í gærkvöldi og Gísla og rætt við þau sitthvað sem ég ætlaði að læsa hér inni ........ takk bæði tvö.

Athugasemdir

[Anna Gísladóttir, 10.11.2008 kl. 16:29]

Takk mamma mín  fyrir allt saman
Halla litla er enn að minnast á að afi hafi skilið þig eftir

[Ragnheiður , 10.11.2008 kl. 20:08]

Litla skottið..maður skilur ekki ömmu sína eftir í óbyggðum A L E I N A

Það sér hver heilvita maður...

yndislegt að lesa

knús á þig mín kæra vinkona

[Þrúða (IP-tala skráð) 13.11.2008 kl. 20:07]

þekki svona grát.. dóttir mín var einu sinni voða reið við afa sinn að hafa skilið ömmu  eftir í reykjavík eitt sinn. en það er fyrirgefið núna