Komin helgi.....

Enn einu sinni og nú er orðið löglegt að hengja upp jólatrallið eins og hún Solla mín segir gjarnan.  Enda er ég búin að vera að tína saman sitthvað til skreytinga í morgun, þvo jólagardínur í eldhúsið, útsaumaðar að sjálfsögðu, finna eitthvað af ljósaskrauti í gluggana........ ég tók þetta nefnilega ekki sjálf niður í lok síðustu jóla og er því ekki alveg með á hreinu hvar hlutirnir eru.  En það er bara gott að þurfa að leita, ég tek þá til í viðkomandi skápum í leiðinni, pollýanna sko.

Úti er orðið hið skásta veður nema það er kalt ...... og alhvítt eftir tveggja daga snjókomu.  Maja kom aðeins í morgun, með Guðjón  litla með sér, vel pakkaðan í bílstólnum, leist ekkert á göngufæri fyrir vagninn.