.

3.12.2008 | 10:04

Úps.........

Þessi dagur byrjaði ekki gæfulega, hjásvæfill minn elskulegur hafði gleymt að stilla vekjarann, ja nema þann sem alla daga hringir á sama tíma fram í eldhúsglugga og ekki er hægt að finna út hvernig slökkva skal á þessum andsk...... en þar sem enginn sefur í eldhúsinu dugar ekki að treysta á eintak þetta til vöknunar. Læt duga að upplýsa hér að þetta eru ekki bestu dagar Gísla þegar hann sefur yfir sig. Hann gleypti jú í sig morgunfóður eitthvað en mogginn er ólesinn þrátt fyrir að fara upp í miðjan stiga, hvernig svo sem það er hægt, Hrefna kemst örugglega ekki öll í gegn um bréfalúguna.... enda myndi hún þá færa okkur blaðið í rúmið. Ég millilenti aðeins við saumavélina við að álpast til að setja í þvottavél, þar fann Vala mig þegar hún kom við í morgunkaffi. Hún var nýfarin út .... þá birtist á tröppunni Þorgrímur smiður.... nú mundi hann allt í einu eftir að það var eftir að gera við rakaskemmdir í bílskúrnum öðrum, þetta sem átti að gera um leið og skipt var um gler þar í sumar. Ég niður í skúr, með eiginmanninn í kjölfarinu til að gera vinnufært fyrir smiðina. Núna lítur skúrinn minn út eins og hent hefði verið þar inn handsprengju, ástandið var nú ekki gott fyrir en versnaði til muna. Það verður verkefni ársins 2009 að gera ratljóst þarna um dótið mitt.

Hvíld þar til að þarf að fóðra í hádeginu.....

Flokkur: Bloggar | Facebook

Athugasemdir

*hóst* ég skal útskýra þetta með moggann í miðjum stiga... ég laumaðist inn í morgun og rændi bíllyklunum þínum í smástund... mátulega lengi til að komast inní bílinn og finna týndu snjóbuxurnar hans Antons í gólfinu á bakvið bílstjórasætið. En ég skilaði lyklunum aftur... hugsaði svo þegar að ég var að keyra frá húsinu að líklegast hefði verið betra að setja moggann aftur á gólfið við dyrnar svo að þið hefðuð nú ekki áhyggjur af hver hefði laumast inn....

kunni ekki við að æða upp stigann og vekja alla, var svo sem á hraðferð líka með ormana í skólann...

Rannveig Lena Gísladóttir, 3.12.2008 kl. 14:30