Looooksins........

Kemst í verk að blogga.  Ekki er þó alfarið leti af minni hálfu um að kenna, við það að rafmagn fór af bænum á fimmtudagsmorgun síðasta, þá dó talvan mín.  Steindó.  Hún var að vísu vakin upp þann sama dag en þverneitaði að tengjast netinu.... þar til í gærmorgun að setið var og fiktað þar til ófétið gengdi.  Og hangir enn .... 7-9-13.

Hrakfarir minar í morgun fara ekki um með einteyming, ónei.  Ég var að glíma við jólatrésmottuna hennar Lenu á gólfinu niður í saumaherbergi, þessa ágætu mottu skyldi setja upp fyrir jól.  Mér gengur margt betur en að vera lengi á hnjánum svo ég gafst upp við að setja títuprjóna til að festa saman bak og mottu. Seildist í stól til að rísa upp, en við það hvolfdi ég úr títuprjónadósinni ..... og stakk mig á nokkrum þeirra við að færa mig til á hnjánum.  Síðan tók ég til við að ná þessum ófögnuði saman aftur og upp í dósina.  Næsta tilraun var gerð á eldhúsborðinu, mikð betri vinnuaðstaða og pláss. Hver títarinn á fætur öðrum festi saman bak og framhlið og verkinu að verða lokið, þegar ég þurfti að færa aðeins stykkið til á borðinu og...... dósin í gólfið.

Ég er í kaffipásu og dósin fræga er á miðri mottunni..... LOKUÐ. Með innihaldið þar sem það á að vera, undir lokinu. 

Athugasemdir

[Ragnheiður , 17.12.2008 kl. 14:40]

ó..ég man eftir að hafa einmitt barist við slíkt slys á árum áður en mér tókst að margstinga mig á strokuprjónunum, undir neglurnar ...!

Hrollur alveg við tilhugsunina

[ebj (IP-tala skráð) 18.12.2008 kl. 08:45]

Ja Halla mín ekki er það gott, en samt ef maður stingur sig við að búa til stykki er það fyrir því að verkinu verði hælt, "svo ekki er allt svo með öllu illt að ekki boði gott".  Og vonandi verður jólatrésmottan hennar Lenu ekki eins og "munnþurtka" undir trénu eins og hjá SUMUM :)   Kveðja til ykkar hjóna og undir fjölsk.   EBJ

[Anna Lilja (IP-tala skráð) 19.12.2008 kl. 13:55]

Halla mín ég hefði nú trúað saumakonu eins og þér til að hafa saumað út eins og einn krossaums-nál og "títuprjóns"púða það er minni hætta  á að allt fari út um allt ef þú átt svoleiðis, kannski það verði verkefni fyrir næsta ár.  kveðja ALB