Langt síðan síðast......

Já ég veit að ég er löt við að blogga, en veit hinsvegar að ég er ekki ein um það.  Fésbókin heldur fólki uppteknu og bloggið er komið úr tísku.  Ég á jú síðu á téðri fésbók en ég nenni þessu bara ekki.

Núna er ég stödd í borg syndanna hjá Bakkastaðafjölskyldunni, kom suður á fimmtudagskvöld með Alexander og Smára í farteskinu og fór alla leið í Keflavíkina með þá og gisti þar. Föstudeginum eyddi ég í heimsóknir og fór svo í saumaklúbb um kvöldið, gisti í Fellahvarfinu hjá Ellu og Sævari.  Svo var heljar afmælisveisla hjá Jökli og Oddnýju í gær fyrir janúarbörnin þeirra, Magneu, Aron og Birni. Fullt af gestum og mikið fjör hjá börnunum.  Núna eru hinsvegar rólegheit hér, Kristján og Halla Katrín eru heima, mamma þeirra sefur eftir næturvakt og Óli fór í ræktina.  Amma er á barnavaktinni á meðan.

Athugasemdir

[Sigrún (IP-tala skráð) 1.2.2009 kl. 18:01]

Systir, ég nenni heldur ekki "fésbók", hitti þig of sjaldan, en líkar að kíkja á bloggið. Nágrannar mínir kalla svona ferð ( í borg syndanna)mannrækt og það er orð' að sönnu, við eigum enga vini nema við nennum / höfum tíma til að sinna þeim,

Knús á liðið, Sigrún