1 mars..... nýr mánuður.

Og búnaðarþing var sett í dag.  Hefðbundin athöfn að mestu, en svolítið langt að sitja í fólvondum stól í tvo og hálfan klukkutíma.... án þess að standa upp.  Hafði þetta nú samt af.  Stuttur þingfundur í kjölfarið hjá Gísla svo var móttaka hjá landbúnaðarráðherra, Skallagrími.... ég meina Steingrími Sigfússyni sem tók fram þegar hann bauð gesti velkomna, að veitingar væru lélegar og litlar og hafði þar aldeilis alveg rétt fyrir sér.  Nú er Gísli að kanna hverjir af félögum hans sitja niðri á bar og ræða málin.

Kvöldmatur í gærkvöldi varð stórskemmtilegur, Edda í Miðhúsum sat einmana við borð niðri í Skrúð þegar við komum þar og færði sig fljótlega til okkar. Svo tíndust fleiri að og alltaf færðum við saman borðin þannig úr þessu varð hin mesta flækja..... allavega ofbauð Klausturselsbóndanum þegar hann ætlaði að borga lambaketið sitt og rauðvínsglas... rúmar sextán þúsund krónur.  Svo snáfaði hópurinn fram á bar þegar við vorum orðin ein eftir í salnum, alltaf fjölgaði og þetta varð hið fjörugasta kvöld.

Annars eyddi ég gærdeginum í félagsskap þeirra Ellu Boggu og Maríu Sifjar, já og Ingu Þóru x 2 og skemmti mér hið besta.

Athugasemdir

[ebj (IP-tala skráð) 2.3.2009 kl. 08:37]

Já Halla mín takk fyrir daginn, en við söknuðum þín í gær, þú hefðir skemmt þér vel þetta vara ekkert smáræði, en ég tók myndir í gríð og erg svo þú getur fengið að horfa á í tölvunni hjá mér :) það var svo margt að skoða að Marí Sif og Inga Þóra gáfust upp á litlu dömunum sem þær voru með og fóru í bíltúr með þær og gáfu mér hálftíma í viðbót :9

Edda í Miðhúsum   er það Miðhús austur á Héraði ? ef svo er er hún vinkona Ástu Hrannar.                         kv. ebj

[Sigrún (IP-tala skráð) 2.3.2009 kl. 16:58]

Það hefur ekki verið leiðinlegt með henni Eddu í Miðhúsum, skilaðu skógarmannakveðju til hennar frá mér.