Jæja ......

Anna kvittaði þó, eitt af börnunum les rausið hennar mömmu.  Gleymdi að tékka hvort Kiddi bróðir hefði rekist hér inn, þarf að skrifa honum.  Já og Annan mín, það er ekki bara þér að kenna að það eru þrjú ár á dagatalinu.... ég prófarkalas þetta líka.  Og sá þetta ekki heldur.  Mestu skiptir að afmælisdagarnir eru réttir ... ætla ég rétt að vona.

Var að leika mér við Guðjón litla  fyrir hádegið í dag, hann horfði svolítið brúnaþungur á mig á mánudagsmorguninn þegar hann var skilinn eftir smástund hjá ömmu, hafði ekki séð þessa ömmuna í hálfan mánuð en steingleymdi að vera fúll þegar ég rétti honum kexköku að naga.  Þetta var sko litla átvaglinu að skapi.  Í morgun tók mamma hans fram hvar kexið væri geymt.... ef ég ætlaði að endurtaka skemmtunina, hún ætlaði hvort eð var að klæða hann í hreint áður en þau legðu af stað í ferðalag eftir hádegið.  Henni hefur líklega fundist drengurinn sóðalegur síðast, amma var þó búin að mylja af honum stærstu molana og þvo á honum hrammana..... við litla hrifningu drengsins.

Athugasemdir

[Ragnheiður , 11.3.2009 kl. 22:08]

æj ég hélt að ég hefði kvittað í gær...ahhh....

Kvitta hér og nú með þakklæti fyrir síðast

Kær kveðja

[Sigrún (IP-tala skráð) 12.3.2009 kl. 22:33]

Ehm, ég kíki reglulega - og kvitta,  heppin þú, að hafa svona litla engla til að dúllast með. Hjá mér verður helgin vonandi helguð litlum og stórum afkomendum hlakka til.