Rysjóttur mánudagur........

Sem hófst hjá mér um fjögurleytið í nótt, mér til mæðu. Hefði gjarnan viljað sofa lengur, ekki síst þar sem mér gekk illa að festa svefn í gærkvöldi. Ástæðan .... nokkrar risavaxnar suðandi flugur, sem að vísu þögnuðu um leið og ég slökkti ljós.  Þar sem frekar spennandi bók var á náttborðinu var þetta slæmur kostur að slökkva.

Úti er að hvessa með morgninum og frekar þungskýjað svo ekki er mjög freistandi útivera, best að hypja sig undir teppi og hugsa hlýlega til Kristínar Magg, hún er í þessum skrifuðum orðum komin á skurðarborð til viðgerðar á sínu bilaða hné. Vonandi er doksi búinn að taka til varahlutina sem í hnéð skulu setjast, brýna vel ... og geri við rétt hné. Ég bað hana í gærkvöldi að fá mann sinn til að skrifa á skárra hnéð með feitu tússi... ekki skera hér....veit ekki hvort hún fygldi ráðinu.

Athugasemdir

[Sif (IP-tala skráð) 24.8.2009 kl. 13:18]

Þegar skorið var í mitt hné gerði læknirinn það sérstaklega á undan að spyrja mig "var það ekki örugglega vinstri?"  og tússa svo með svörtum merkitúss vel og rækilega stórar örvar á kálfa og læri sem vísuðu á hnéð....

"bara svona til öryggis"  sagði hann...

[., 24.8.2009 kl. 13:21]

Þetta hefur þá ekki verið svo galið hjá mér.....