Ég hélt.....

Að það væri komið árið 2008, en við lestur 24 stunda, forsíðuna í morgun , sá ég ekki betur en allavega ráðamenn á Ísafirði væru komnir öld til baka.  Nú eru þeir að taka upp meðferðina sem niðursetningar fengu fyrir áratugum síðan.  Flytja fólk nauðugt út af heimili sínu, að vísu bara í sex vikur .... til að spara.  Ég hefði haldið að þetta væri ekki hægt.  Þetta er að vísu hjúkrunardeild dvalaheimilisins Tjörn sem á að flytja tvo einstaklinga af, en þetta er samt heimili þeirra sem þau vilja eðlilega vera á sem lengst.  Ég á kannski ekki að vera að hugsa svona, en ..... ef að gamla Camilla deyr nú í sumar meðan hún er vistuð nauðug á Ísafirði, þá hafa yfirvöld sem réðu þessu það ævilangt á samviskunni að konan sem fæddist á Þingeyri, ól þar allan sinn allan langa aldur, fékk ekki að ráða því að deyja þar.

Fyrirgefðu mér Camilla mín þessa hugleiðingu mína, ég vil að þú fáir að vera í friði á Þingeyri allan þinn aldur, þarna í firðinum á ég rætur eins og þú og þykir vænt um þær .... og ég vil ekki að í sparnaðarskyni sé farið svona með nokkra manneskju....... 

Til að sjá fréttina smelltu HÉRNA og stækkaðu svo fréttina til að skoða betur 

 

Athugasemdir

[Árný Sesselja, 7.5.2008 kl. 09:25]

Nei mamma mín svona er verulega illa komið fram við aldraða....  Þetta nær ekki nokurri átt.....

[Ásthildur Cesil Þórðardóttir, 7.5.2008 kl. 09:36]

Veistu að maður verður bara sorgmæddur við að lesa þetta. 

[Anna Gísladóttir, 7.5.2008 kl. 11:21]

Þetta er bara fáránlegt og ég trúi því ekki að þeir komist upp með þetta jafnvel þó að það sé "bara" um að ræða 2 einstaklinga

[Ragnheiður , 7.5.2008 kl. 20:51]

Ég sá þessa frétt og varð ill yfir þessu. Hvernig stendur á að fólk fer svona með gamla fólkið! Ég hélt meira að segja ræðu hér yfir sambýlismanni og 2 hundum, maðurinn sýndi þessu áhuga en ekki voffarnir...

Kær kveðja Halla mín elskuleg