Vikan er að verða búin....

Við áttum hitting í morgunkaffi hjá Sollu, mæðgur hér af 11 og vorum allar að myndast við að þoka áfram handavinnuverkefnunum okkar þangað til ég þurfti að huga að hádegismat sem átti að vera plokkfiskur.  Um leið og ég yfirgaf þær, bauð ég þeim að koma og borða. Ekki þurfti að spyrja tvisvar...... þær ætluðu sko að koma.  Þegar sest var að borðinu og Vala var að fá sér horfði hún grunsemdaraugum á plokkfiskinn... hvað er nú að spurði ég.... það er ekki eins og ég hefði sett sellerí í þetta.  Daginn áður hafði hún haft mikið fyrir því að plokka sellerírót úr salati sem var á borðum. Neibb svaraði hún.... mér fannst ég sjá bein.  Það getur ekki verið hrökk út úr mér, Maja er ekki við borðið.  Málið var að ef Majan mín borðaði plokkfisk hjá mér.... lentu öll bein á hennar diski, en eins og allir góðir kokkar vita á téður réttur að vera beinlaus.  Og sem barn hætti Maja að borða ef hún fann bein í fiski. Orðin fullorðin passar hún bara vel hvað hún er að láta upp í sig, en lætur mann heyra það ef kokkurinn hefur ekki staðið sig við beinhreinsun.

Ég tók upp símann og Maja var ekki lengi á leiðinni til okkar, nú var þó tryggt að hún borðaði í hádeginu, næstum fullgengin með pííínulítinn kúlubúa, á eftir þrjár vikur og sér ekki mikið á henni. 

Þær héldu allar yfir mér væna ræðu um hversu óþarft væri að skemma mat með selleríi ... eins og þetta er gott á bragðið........ að mínum dómi a.m.k.......... 

Athugasemdir

[Edda (IP-tala skráð) 29.8.2008 kl. 11:28]

Ojj - alveg er ég sammála þeim, sellerí er með því fáa sem ég bara get ekki borðað...  en umm hvað mig langar núna í plokkfisk - með þrumara!!

[Rannveig Lena Gísladóttir, 29.8.2008 kl. 12:44]

Sellerí er eyðilegging á þinni annars ágætu kjötsúpu. 

[Ásthildur Cesil Þórðardóttir, 29.8.2008 kl. 13:06]

Skemmtileg lýsing, og ég veit að það er hræðilega svekkjandi að fá bein í fisk sem á að vera hreinsaður. 

[., 29.8.2008 kl. 17:20]

Sko .... ég hef ekki þorað að nota sellerí í kjötsúpuna mína í mörg ár ... myndi gera það ef ég sæti einhverntíman ein að þessari yndislegu súpu minni.....

[Sigrún (IP-tala skráð) 30.8.2008 kl. 08:31]

Og þú heldur enn áfram að bjóða í mat  Getur fólk ekki bara tuggið áður en það gleypir