Nú fara.......

Bláu rassarnir hamförum á þakinu mínu... lokatörn að mér er sagt.  Þá er bara eftir að setja upp skápinn minn góða í stigagluggann og setja upp handrið í stigann ......... svo ég þurfi ekki að skríða upp þegar minn vinstri fótur vill ekki hlýða eiganda sínum og yfirmanni.  Er búin að öðlast reynslu af því að fara niður stigann á óhæfilegri hraðferð ... með rangri aðferð. Það var bara vont en hafði þó ekki verri afleiðingar en nokkra marbletti.

Við áttum alveg ágæta helgi, hjónin, þrátt fyrir að  gera ekki það sem við ætluðum ...... fara norður í Eyjafjörð.... þú verður að bíða lengur Öspin mín góð. Gísli þurfti að vinna hluta af laugardeginum og gera verkin á Efrimýrum á sunnudegi svo við fórum ekki langt, upp í Núp til að sofa og svo vestur að Hvítserk þegar húsaverkum lauk í gær.  Og þar stóð náttúruundrið á þurru nánast, það var fjara svona mátulega þegar við komum.  Þetta stóðst Gísli ekki, hann klifraði niður bakkan snarbratta og Lena Einars með honum, hún var þarna með Árnýju, við mæðgur biðum uppi eft í slóðinni, þar var gott skjól fyrir hafgolunni. Og Árný með myndavélina auðvitað.......

Athugasemdir

[Gerða Kristjáns, 4.9.2008 kl. 23:09]

Samkv. Einari eiga þessir rassálfar (ekki endilega þeir sömu þó) að mæta hérna á þriðjudaginn í gluggaskipti.  Tímasetningin alveg frábær eins og fyrri daginn.......strákarnir koma heim á þriðjudag