.

26.10.2007 | 09:43

Morgunpistill letingjans......

Ég nenni ekki neinu í augnablikinu, þarf að koma hinu og þessu á sinn stað, sumt á leið í geymslu, annað á leið í rauðakrossinn, ruslið út í tunnu, eitthvað þarf að komast út í athvarfið mitt (skúrinn)........best að blogga aðeins. Nú er komin endanleg mynd á sjónvarpsherbergið, Gísli kom heim úr síðustu suðurferð með ósamsettan skáp undir sjónvarpið. Þau drifu í að setja hann saman strax, í hálfnuðu verki klemmdi Árný sig og hætti þar með en Árni tengdasonur hafði hætt sér í dyrnar og var ekki sleppt út fyrr en skápurinn var kominn heill á sinn stað. Árný var búin að færa tölvuna og allt dót tölvunni fylgjandi virkaði fínt á nýjum stað. En ADSL tengingin á sjónvarpinu hafði aldrei virkað þrátt fyrir töluverðar tilraunir í þá áttina. En viti menn, Árni fiktaði þangað til að tengingin datt inn . mikið takk.... fiktari góður.

Við áttum brúðkaupsafmæli í gær, við Gísli, 34 ár síðan við stóðum fyrir framan altarið í Undirfellskirkju og hétum hvort öðru að fylgjast að eftirleiðis. Og tekst enn. Vorum reyndar þrjú þarna við altarið. Annan var rétt ófædd, átti reyndar að fæðast þennan dag en beið til 10 nóvember. Já minnst á Önnuna, ertu hætt að blogga eða ertu bara enn að taka upp úr töskunum eftir Bostonferðina.....

Það er sviðamessa í kvöld hjá Lion og þar sem húsbóndinn ætlar þangað, ætlar kona hans í sveitina með föndurdót og svið í farteskinu, við mæðgur ætlum að gera okkur glaðan dag saman.

Flokkur: Bloggar | Facebook

Athugasemdir

Nei mamma mín ég er ekki hætt að blogga og ég er löngubúin að ganga frá þessu lítilræði sem ég verslaði í Boston Málið er að þegar maður fer í svona kæruleysisferðalag á skólabókanna bíða þær bara með verkefnum og svoleiðis þegar heim kemur. Ég er s.s. búin að vera á kafi í verkefnavinnu sem sér reyndar fyrir endann á núna. Kannski ég bloggi obbolítið í vinnunni í nótt ......