Minn tími mun koma.......

Þessi orð urðu fleyg fyrir mörgum árum þegar öskureiður núverandi félagsmálaráðherra, Jóhanna Sigurðardóttir tapaði formannsslag í Alþýðuflokknum sáluga fyrir Jón Baldvin Hannibalssyni.  Hún nær varla sætinu af Jóni héðan af því flokkurinn er ekki lengur til.  En hennar tími í pólitík er löngu kominn og ég er að verða nokk langeyg eftir að konan láti kné fylgja kviði ef ég má taka svo til orða.  Maður verður aldrei jafn mikið var við fátækt hér á landi og fyrir jól, kannski vegna þess að þá er mest talað um þetta.  En allir þurfa mat 365 daga ársins, ekki bara í desember, einnig þak yfir höfuðið hina ellefu mánuði ársins.  Í gær komu fram í sjónvarpi og blöðum einir fjórir ráðherranna okkar með úrbætur fyrir aldraða og öryrkja, víst er þetta betra en ekkert, en í þjóðfélagi sem ráðamenn stæra sig af að sé eitt hið besta í heimi, ætti að vera hægt að gera betur en þetta.  Talsmaður eldri borgara sagði í morgun í útvarpi... of lítið, of seint.  Því miður er þetta líklega rétt hjá honum. 

Það er svo margt sem mætti bæta, og mitt rauða hár bærir á sér af bræði þegar skýringin á því að ekki er hægt að fella niður tekjutenginguna við maka, er ... tæknilegir örðugleikar.  Arg og hóst.

Athugasemdir

[Rannveig Lena Gísladóttir, 6.12.2007 kl. 10:24]

ætla að spá betur í þessum breytingum öllum eftir prófin....

en dagarnir í árinu mínu er samt bara 365... svona oftast amk

[Gerða Kristjáns, 6.12.2007 kl. 10:43]

Þín hlíðin á Húnabrautinni hlýtur að vera á öðru tímabelti með fleiri dögum.......hérna á númer 25 eru bara 365 dagar í árinu.........tja nema það sé hlaupár

[., 6.12.2007 kl. 11:18]

Þarna hefur fru Halla verið að flýta sér, auðvitað eru jafnmargir dagar og sama tímabelti hjá okkur...  Gerðan mín og Lena, takk fyrir að benda mér á.