Helgin er hálfnuð......

Og ég er ekki vestur á Sögu á jólahlaðborði númer tvö um helgina.  Jökull hringdi í nótt þegar ég var nýsofnuð , þá var verið að flytja Birni litla bráðaflutning á barnaspítalann, hann hafði hætt að anda í slæmu hóstakasti og blánað upp, en náð sér aftur af stað kominn út á tröppur og hristur duglega.  Jökull var inni í Reykjavík að vinna svo hann náði í mig og ég tók við stóru börnunum sem voru öll á Bergveginum um helgina.  Birnir litli er með RS vírussýkingu  en er að jafna sig, ég var með hann miðjuna úr deginum svo mamma hans kæmist í sturtu og aðeins út, en skipti svo aftur og nú gætum við afi bús og barna hér á Bergvegi 10.  Meðan ég er að blogga er Gísli að koma börnunum í háttinn.  Stendur sig eins og sönnum afa sæmir.

Athugasemdir

[Gerða Kristjáns, 8.12.2007 kl. 22:32]

Sussubía !!  Ekki gott að "heyra"   Vona að hann nái sér sem fyrst.

[Ragnheiður , 8.12.2007 kl. 22:53]

Úff rosaleg reynsla hefur þetta verið fyrir viðstadda. Situr enn í mér krampi sem Hjalti fékk agnarlítill,hitakrampi. Hann blánaði og hætti að anda.

Bestu kveðjur og vonandi batnar litla kút

[Fjóla Æ., 9.12.2007 kl. 09:52]

Vona að Birni litla sé farið að líða betur. Hann er í góðum höndum á Barnaspítalanum. Heppilegt að þið skilduð vera hér fyrir sunnan og geta tekið hin börnin að ykkur á meðan. Það er nægilega mikið mál að vera með veikt barn á spítala þó ekki bætist við að hafa áhyggjur af hinum heima.

[Rannveig Lena Gísladóttir, 9.12.2007 kl. 14:14]

Auðvitað stendur afinn sig í þessu

Bestu kveðjur til 102 dalmatíuhundanna  og knús á þau öll