Jóla........ hvað?

Undanfarnir dagar desember mánaðar hafa ekki um margt minnt mig á jákvæðan hátt að jól séu í aðsigi.  Skrokkurinn gæti alveg að skaðlausu verið skárri ...... og þá er ég ekki að meina útlitið, þótt svo það sé ekkert spes, margt í mínu lífi stendur annaðhvot fast eins og tappi í flösku, nú eða þá fer heldur aftur á bak sem mér líkar stórilla, veikindin á Birni litla, hann er nú samt á hraðri leið til betri heilsu.  Þetta er þriðja barnabarnið mitt sem fær þennan fja...... RS vírus, Svanhildi næstum misstum við þegar hún var fjögurra mánaða, hún var ranglega greind hér heima og var vægt sagt orðin illa á sig komin þegar foreldrar hennar komu með hana á barnadeild FSA. Sigtryggur Einar fékk þetta líka , en var þó kominn á annað árið og men hvað var erfitt að hemja hann í rúminu, í einangrun í marga daga og sjá til þess að hann sliti ekki úr sér slöngur og svoddan óþarfa.  Ekki furða þótt mamma hans væri illa þreytt þá dagana.

En það var jólaandinn, hvar er hann?  Ég veit að hann er þarna einhverstaðar, best að halda áfram að leita. Enda koma jól, hvernig svo sem mér líður eða eigi ógert sitthvað sem ég ætlaði að ljúka fyrir þessi jól.......

Athugasemdir

[Solla, 12.12.2007 kl. 17:16]

4 myndi ég halda. Smári var 2. mánaða þegar hann fékk þetta óbermi. Ég var með hann á sjúkrahúsi í nokkra daga. Hann tengdur við súrefni og næringu í æð og Guð má vita hvað.

Ég get komið og reynt að smita þig af jólunum.

[Gerða Kristjáns, 12.12.2007 kl. 19:25]

Jólin koma..............jólin koma............

[Ragnheiður , 12.12.2007 kl. 21:29]

Já þau koma bara samt...ég hef ekki orku í neitt og allt eftir hérna á heimilinu. Ansi er þessi RS drusla þaulsætin hjá ykkar fjölskyldu, ég man ekki að hann hafi komið upp neinsstaðar hjá okkur

[Anna Magga (IP-tala skráð) 13.12.2007 kl. 10:01]

Ég var einmitt að hugsa það í morgun að ég man ekki eftir að hafa fengið svona alvöru jólafíling á aðventunni síðan ég var í skóla og maður var búinn í prófum nokkrum dögum fyrir jól og gat þá slakað á og hellt sér í jólaundirbúning sem þá var kærkomið frí frá prófastressinu :)