Messa hins helga Þorláks...........

Er runnin upp, kyrrt og fallegt veður úti,  og ég byrjuð á morgunverkum þessa dags, þ.e að skipta á rúminu mínu.  Það er skýr minning frá í æsku að skipta um rúmföt, jólabaðið í gamla stóra blikkbalanum hennar mömmu ( á meðan ég komst ofan í hann) og ný náttföt, og hvað það var gott að hjúfra sig undir sænginni um kvöldið, hrein og fín......... og jólin væru á morgun. Hlusta á jólakveðjurnar á gömlu gufunni meðan svefninn læddist að manni og finna lyktina af jólahangikjötinu sem verið var að sjóða fram í eldhúsi.  Svei mér þá ef ég finn ekki vott af lykt....

Gísli er farinn upp í Efrimýra til að ljúka pökkun sem hann byrjaði á í gærkvöldi, svo kemur hann í skötuna í hádeginu á Árbakkann, þar hittist stór hópur með okkur. Valan mín og hennar fólk, Lena með sitt, Gerða og snáðarnir, Árný, Majan mín og fylgifiskur og svo við gömlu hjúin.  Við erum rík, ég taldi í gær hve margir yrðu í grautnum í hádeginu á aðfangadag, 20 ef allir mæta sem eru á svæðinu og ekki að vinna.  Bara Annan mín sem er svo langt í burtu með sitt fólk að hún verður að elda sinn graut sjálf heima hjá sér.......

Annars er íbúðin niðri tóm og nóg til af mat ef þið viljið drífa ykkur norður........ 

Athugasemdir

[Hildur Þöll (IP-tala skráð) 23.12.2007 kl. 10:51]

Sæl Halla , held að ansi margir eigi svona minningar, skifta á rúmunum og taka til á þorláksmessu. Hlusta á jólakveðjurnar og skreyta , yndislegar minningar sem ylja manni .

Ég óska þér og þínum gleðileg jól og farsældar á komandi ári, sjáumst að öllum líkindum á nýju ári í stóðréttum ef ekki fyrr

[., 23.12.2007 kl. 15:33]

Takk Hildur mín, gaman að sjá til þín og gleðileg jól.......

[Gerða Kristjáns, 23.12.2007 kl. 19:32]

Takk svo mikið fyrir mig og mína, og hlakka ógurlega til að fá graut á morgun.............þá geta jólin komið

[Anna Gísladóttir, 23.12.2007 kl. 22:29]

Mikið svakalega vildi ég að þetta væri hægt .........

[Fjóla Æ., 24.12.2007 kl. 09:13]

Gleðileg jól til þín og þinna.

[Gerða Kristjáns, 24.12.2007 kl. 11:08]