Ekki svo slæm byrjun.......

Á mánudegi, fór morgunmat og síðan í sundleikfimina þrátt fyrir kvef, síðan í viktun og hafði misst hálft kíló síðustu viku.  Bara gott.  Núna er ég búin að fara bloggrúntinn, skoða mikið af nýjum myndum bæði hjá Önnu og Árnýju og hafa gaman af.  Það rifjaðist líka upp, við að lesa bloggið hennar Lenu þessi ferð okkar á lansann fyrir meir en tveim árum, með Elísu í farteskinu.  Lena var að fara í viðtal við lækni en ég í blóðprufu og sagði Elísu að það þyrfti einhver að koma með mér og halda í hendina mína .... þessa sem ekki væri verið að stinga í.  Hún tók þessu með mikilli alvöru og kom orðalaust með mér, mamma ætlaði bara að tala við lækninn svo það þurfti ekki að halda í hendina á henni.  Það var svolítill svipur á meinatækninum, þangað til ég gat útskýrt málið ....einhver þurfti að passa barnið og þetta svínvirkaði.

Einhverntíman tók ég að mér að fara með Sigtrygg Einar í blóðprufu, það hafði tekið tímana tvo og mannskap næsta skipti á undan.  Enda voru einir fjórir mættir til hjálpar þegar ég kom með strákinn.  Þrátt fyrir að tveir biðu þjónustu heimtaði ég að fá að ganga fyrir með hann og útskýrði hversvegna.   Inn með guttann, út með hjálparkokkana.... þeir mögluðu en gegndu, Sigtryggur settist og rétti út hendina og ég settist þannig að ég byrgði honum sýn á hvað meinatæknirinn væri að gera.  En var búin að segja honum fyrir fram að hann þyrfti ekki að horfa, það virtist vera eitthvað mál hjá honum. Nú kemur stunga, sagði "blóðsugan", drengurinn æjaði aðeins og um leið og sagt var... nú er þetta búið.......  Amma við fara fiskabúðina og svo kaupa dót.  Og hvort að amma stóð ekki við sitt, það var meir að segja stór hundur staddur í dýrabúðinni sem hann mátti klappa og ég var sko ekki að reka á eftir honum.  Síðan var það Leikbær í sama húsi, keyptir hestar, hvað annað og síðan heim til mömmu hans.

Mér þykir alveg óskaplega vænt um barnabörnin mín.... öll fjórtán. 

Athugasemdir

[Anna Gísladóttir, 28.1.2008 kl. 17:22]

Ég held að ég geti fullyrt að öllum 14 ömmubörnunum þínum þykir ofurvænt um þig   Jafnvel þó þú vitir ekkert um ofurhetjur !

Knús til þín frá mér og þeim 4 ömmubörnunum þínum sem ég hef yfir að ráða

[Gerða Kristjáns, 28.1.2008 kl. 18:13]

Hvernig færðu út 14 ?

[Anna Gísladóttir, 28.1.2008 kl. 19:13]

Gísli + Svanhildur + Kristján + Sigtryggur + Sigurjón + Halla + Anton + Elísa + Magnea + Smári + Alexander + Birnir + Aron + Anna = 14

[Gerða Kristjáns, 28.1.2008 kl. 19:54]

Auðvitað, ég gleymdi aukabarninu

Svo eru að sjálfsögðu nokkur auka í viðbót líka

[Fjóla Æ., 28.1.2008 kl. 23:35]

 Mér hefur skilist að hér sé eitthvað "auka" líka.

[Sigrún (IP-tala skráð) 31.1.2008 kl. 22:52]

Sæl Systir.

Verð að kvitta einu sinni og segja þér að ég hef alltaf jafn gaman af blogginu þínu.

Það er ekki merki um elli, að hafa ekki lengur tölu á ömmubörnunum, góð amma er amma allra barna. Þakkaðu bara Guði fyrir að börnin þín 5 þurfa ekki að ala önn fyrir öllum hópnum.

Hlakka til að sjá þig heima.

[., 1.2.2008 kl. 09:46]

Takk systir sæl, en....... þess þurfa þau nú samt mörg, ég Á pínulítið í þeim Sollu, Fjólu, syni þínum, ogsvofr.......