Alltaf ......

Verð ég jafn fokvond þegar ég heyri af andstyggðarhætti Íslendinga við nýbúa sem ekkert hafa til saka unnið.  Við þurfum sko ekki út fyrir landsteinana til að finna drullusokka, þeir eru til alíslenskir og vel talandi á okkar ástkæra ylhýra.  Við búum orðið við fjölbreytt samfélag fólks af fjölda þjóðerna, innan um eru að vísu einstaklingar sem fara í sama flokk í mínum huga og alíslensku drullusokkarnir, en þeir sem ekkert hafa til saka unnið, ættum við að skammast til að taka sæmilega á móti.... og hananú.

Hér er slysahætta að fara langt frá útidyrum, sökum hálku, hitti systu mína stóru í búðinni áðan, hún sagði að færið fram í Saurbæ væri ferlegt  fyrir hálkuna og brekkan niður að bænum væri svo slæm að hún færi það ekki á sínum bíl, til þess er gamli Musso notaður, hann er á járnum.  Komin hér heim var ég svo andstyggileg að gera mér í hugarlund að hún renndi sér á rassi sínum eina bunu þarna niður.... smá beygja þegar niður er komið og vonandi væri mótorhússhurðin opin og... voila.. frúin komin inn á gólf.  Fyrirgefðu systir sæl hugarflugið, þú veist að ég missi stundum ótugtina í mér lausa.....

Athugasemdir

[Anna Gísladóttir, 14.2.2008 kl. 12:26]

Gæti ekki verið meira sammála þér bæði með drullusokkana og hvaðan þeir koma og líka tilhugsunina að sjá frænku renna sér

ÉG KEM Á MORGUN !

[Ragnheiður , 14.2.2008 kl. 14:02]

Sammála hverju orði mín kæra. Fór í Bónus í gær og allar starfsstúlkur erlendar, það truflaði mig ekki neitt. Sú sem afgreiddi okkur var afar þögul, við vorum að spá í hvort einhver hefði verið vondur við hana. Sú sem var á næsta kassa brosti og hló í allar áttir, maður bara varð að brosa með henni.

Bara flottar og duglegar stelpur hehe

[Árný Sesselja, 14.2.2008 kl. 14:23]

hehehe ég sé hana frænku mína alveg fyrir mér við að renna sér á rassinum þarna niður...... reyndar er nú líklegra að barnabörnin hennar geri þetta frekar en hún....

[Hallan Guðm. (IP-tala skráð) 14.2.2008 kl. 16:42]

Bahahahaaaaa...  sé mömmu alveg fyrir mér á fleygiferð niður brekkuna  :)     þegar ég var heima um daginn vorum við akkurat að ræða aðferðir til að renna sér fyrr og nú :)  ég, mamma, Anna Guðbjörg og babyborn vorum úti í snjónum með þotu :)