Úps......

Ekki bloggað í marga daga ... ussususs.  Ljósanótt kom og fór, gaman að sjá  hvað um var að vera, er samt viss um að ég missti af mörgu sem þarna var hægt að sjá.  Mér tókst að detta á föstudagskvöldinu og það hefti mig töluvert.  Ég skarta ennþá fallega litum vinstri fæti með bólgublettum hér og þar...... býsna skrautlegt.  Við fukum svo heim á sunnudeginum, það var allhvasst þarna á suðvesturhorninu þann daginn.

Núna er réttahelgin fram undan, Sigtryggur Einar mættur á svæðið og datt í lukkupottinn í gær, fékk að fara með Maju og ömmu í hrossastúss upp í Balaskarð í gær og var slétt sama þótt hann kæmi rennblautur og drullugur heim.  Dreif sig í þurr föt ... til þess að snúa við upp í Efrimýra í púdduslag... skítugur aftur.  Og það var alsæll drengur sem sofnaði hreinn og nýbaðaður í passi afans hér niðri í gærkvöldi, Árný var í skólanum með Sollunni í gærkvöldi, duglegu stelpurnar mínar.

Athugasemdir

[Sigrún (IP-tala skráð) 12.9.2008 kl. 22:20]

AaaaHhhh, gott að vita að mín er á lífi og gott var að sjá þig í dag, litla systir. Við þurfum að finna tíma fyrir smá spjall og stelpudekur. Hvað eigum við að láta karlana gera á meðan

[., 14.9.2008 kl. 17:58]

Taka til í bílskúrnum hans bróður þíns, Mummi er alveg hæfileg svipa á hann að gera nú eitthvað af viti þarna úti .... og hirða olíudæluna sína í leiðinni....