Horfinn yfir Gjallarbrú.......

Við fygldum Frímanni Hilmarssyni til grafar í dag.  Krabbameinið hafði sigur þann 3 des síðastliðinn.  Síðast sá ég hann í réttum á Kirkjuskarði í haust, þangað var hann mættur af veikum mætti, svona í kringum fimmtíu kíló, með vökvagjöf í æð og gat ekki farið út úr bílnum. Áratugum saman hafði hann komið þarna úr göngum... með tvo eða fleiri hesta til reiðar, alltaf glaður, stundum góðglaður.  Ég vissi ekki fyrr en í dag að hann hefði getað sett saman vísur, hitt vissi ég að hann kunni ógrynni af þeim og hafði gaman af að fara með þær.  Og hestana sína þótti honum afar vænt um, það duldist engum sem þekkti Frímann. 

Það var auðséð í kirkjunni í dag að hann var vinmargur, kirkjan full og vel það og hinu megin hafa mætt honum sonur hans og fleiri, það hefur verið skeifnahljóð í lagi á Gjallarbrú, hver veit nema séu Tröllabotnar hinumegin, það hélt prestur alla vega í dag.

Athugasemdir

[Sigrún (IP-tala skráð) 14.12.2009 kl. 00:02]

Halla, þú átt að skrifa meira, þú kemur alltaf orðum að hlutunum.

[Sif (IP-tala skráð) 14.12.2009 kl. 13:36]

einmitt það sem ég var að hugsa mamma... ég fékk gæsahúð OG tár í auga OG brosti út að eyrum af að lesa þetta....

Þú ert snilldarpenni Halla mín ! ættir í alvöru að gera meira af því að hripa niður sögur og minningar :) 

Knús í bæinn þinn !