Jólanótt......

Við undirleik roks og snjógangs heilsar jólanóttin okkur hér á Húnabraut 11.  Rafmagn fór af meðan stóð yfir upptekt á jólapökkum sem urðu til þess að það leið yfir jólatréð einu sinni enn .....og  að minnsta kosti tvisvar í morgun.  En það er vasaljós á vísum stað og svo voru það blessuð kertin.  Búin að heyra í þeim barnanna sem ekki voru á staðnum og rétt í þessu var Annan að tilkynna sig í vinnuna, við heyrum oft í henni á leiðinni þangað.  Veður sér til þess að héðan var ekki farið í miðnæturmessu í Hólaneskirkju og þaðan upp í Skeifu til mömmu og pabba .... mér er því hugsað mikið til mömmunnar minnar sem fékk að vera heima í kvöld og í nótt, guð gefi henni væra nótt í eigin rúmi.

Við erum líka búin að heyra í mömmu og pabba fyrir vestan, þar er vont veður og snjókoma, en þau hafa það gott og voru sátt við sitt ... guð gefi þeim líka góða nótt.

Athugasemdir

[Sif (IP-tala skráð) 26.12.2009 kl. 22:12]

Bestu jólakveðjur og hlýir straumar til ykkar þarna fyrir norðan !!!!!

Hafið það dásamlegt !

[Anna Magga (IP-tala skráð) 29.12.2009 kl. 12:02]

Gleðileg jól Halla mín, mikið fannst mér fallegur draumurinn þinn sem þú skrifaðir um daginn, það kæmi mér ekki á óvart að þeir hafi tekið á móti föður sínum og æskuvini, þessir tveir, með nýjárnaðan gæðing, tilbúinn fyrir skeifnasprettinn fram dalinn okkar fagra.