Gjafabréfið......

Ónei, ekki var ég nú búin að gleyma þessu skondna bréfi sem ég fékk með hrærivélinni minni góðu, heldur lenti ég í vandræðum með að koma því hér inn, nenni ekki lengur að fikta, pikka það bara upp. 

Lena var nefnilega að minna mig á þetta.......

Elsku mamman okkar.

Innilega til hamingju með daginn og öll þessi ár..

Við erum nokkuð viss um að þetta sé græjan sem þig langði í, EN hinsvegar fylgja henni skilyrði nokkuð ströng.

Þetta langar okkur í......

Rjómaterta, súkkulaðiterta, vöfflur, pönnsur, marengstertu, kornflekstertu, muffins, súkkulaðibitakökur, túkalla, hálfmána, piparkökur, marmaraköku, JC köku, sjónvarpsköku, heimagerðan ís, og síðast en alls ekki síst.... mömmukökur með miklu kremi.

Og þar sem þú varst ekki heima á afmælisdaginn sjálfan máttu velja tvennt af framangreindum lista og bjóða okkur svo í kaffi.

Eigðu góðan dag og til hamingju með að vera árinu nær í ellistyrkinn.

Afmæliskveðjur

Vala, Anna, Lena, Árný, Jökull og fylgifiskar. 

Og auðvitað þinn heittelskaði eiginmaður Gísli.

 

Athugasemdir

[Fjóla Æ., 15.10.2007 kl. 08:04]

Haha Klárir krakkar sem þú átt þarna

[Rannveig Lena Gísladóttir, 15.10.2007 kl. 10:47]

hehe... má til með að segja þér af hverju ég rukkaði um þetta...

Var að keyra í Öxnadalnum í gær á heimleið frá Akureyri og fann skyndilega fyrir all svakalegri löngun í JC köku með ís!  Og velti því fyrir mér hvort að Árný hefði ekki alveg ábyggilega munað eftir því að hafa það á listanum  

[Árný Sesselja, 15.10.2007 kl. 13:00]

JÚBB ég mundi sko eftir henni!!!

Mamma þú átt eftir að baka og bjóða í kaffi!  

[Hafrún Eva (IP-tala skráð) 15.10.2007 kl. 16:23]

Já ég verð nú að hrósa krökkunum þínum, meiri snildin!

[Rannveig Lena Gísladóttir, 15.10.2007 kl. 21:52]

Hvort er nú gula uppskriftabókið góða með uppskriftinni af JC köku staðsett í sveitinni eða á Blönduósi?

[mamma......... (IP-tala skráð) 15.10.2007 kl. 22:29]

Hún er í sveitinni .... verið bara róleg þetta styttist..............