Enn er galið veður......

Enn einn veðurhvellurinn, ofsarok og rigning. Suðvesturhornið í uppnámi en slysalaust þó.... ég er að hlusta á kvöldfréttir.  Og alþingi að fjúka í jólafrí. Hefðu átt að vera farnir í frí fyrir löngu, þegar þessir 63 óvitar hafa ekki annað þarfara að gera en að ræða hvort að eigi ekki að leggja niður bleika og bláa litinn á nýburafatnaði á fæðingardeildum, nú eða að stytta ræðutíma manna á þingi svo þeir geti ekki haldið uppi málþófi um ekki neitt, þá er best að þeir séu bara heima, það er þó von til að þeir séu til einhvers gagns þar. Punktur.

Mér hefur ekki liðið vel undanfarið og kemur þar margt til, sumt umræðuhæft hér inni, annað ekki. Er búin að upplifa mikinn vanmátt minn til að bæta svo margt sem ég sé í umhverfi mínu fara aflaga og það veldur mér ama sem ég veit ekki hvað ég á að gera við.  Kvíði fyrir Hveragerðisdvölinni og það finnst mér slæmt.  Nú verð ég að finna nýja leið til að líða vel þarna og byggja upp þrek, ekki veitir af.

Athugasemdir

[Ragnheiður , 14.12.2007 kl. 18:49]

Hafðu það gott mín kæra og þú hefur emailið mitt ef þig vantar hlutlaust eyra....

[e-mail]

[Anna Gísladóttir, 15.12.2007 kl. 00:36]

..... svo er ég bara í 30 mínútna fjarlægð frá þér mamma mín

[Kristín (IP-tala skráð) 19.12.2007 kl. 19:35]

Elsku hjartans dúllan mín !

Ég er hér skammt frá Hveragerði og saumó og allt ... .........það verður bara gaman vittu til