Andsk..... Svíarnir........

Ég er enn að jafna mig eftir hrellingar gærdagsins, mér var orðið verulega illt í hálfleik og það átti bara eftir að versna, um miðjan seinni gafst ég upp og slökkti, en ... bara smástund og sá þá klára.Það máttu þó strákarnir eiga að þeir gáfust ekki upp þó illa gengi, tapið varð þó ekki nema 5 mörk.  Úff.

Gísli kom suður í gærkvöldi og var á nýja bílnum svo ég fæ að skoða og prófa núna um helgina þar sem hann ætlar að tolla sunnan heiðar fram á sunnudag og ég í fríi úr "grasinu".  Ætlum að heimsækja börnin og barnabörnin í Keflavík og Reykjavík og njóta þess að leika við þau.

Ég er í einhverju þreytukasti þessa dagana,  gengur illa við að losna við verki og óáran í minni vinstri hlið, nema að ég sé á kafi í vatni, þar gengur mér best að hreyfa mig.  Þarna er víst skýringin á vanlíðaninni, ég er of dugleg í vatninu, þar er býfan rétt miskunnnarlaust í hinar ýmsu áttir, hoppað og hjólað, sparkað og það er svo að koma mér í koll frameftir degi.  Enda er ég miskunnarlaust áminnt núna..... hææææææææægt kona, ekki svona mikið.  Úti er kafasnjór svo að gangarnir eru notaðir óspart, það er eina hreyfingin núna ... svona að labba.

Ætla að hætta þessu núna , það styttist í mat og það er fiskidagur..... ekki á Dalvík. 

Athugasemdir

[Gerða Kristjáns, 18.1.2008 kl. 16:52]

Ekki ofgera þér, þú verður að geta strollað eins og herforingi útí í London eftir BARA 53 DAGA !!!

Sakna þín helling

[Fjóla Æ., 18.1.2008 kl. 18:22]

Ég segi bara eins og sumir "þú verður að passa þrýstinginn kona".

En hvernig er það, færðu ekki fullt af frábærlega hollum uppskriftum til að halda áfram grasáti þegar þú ert komin heim aftur? Ég er nefnilega að safna svoleiðis

[Solla (IP-tala skráð) 19.1.2008 kl. 19:17]

Vona að skapið sé betra eftir þennan leik